“Belarus har qanday tajovuzni qaytarishga tayyor”
Aleksandr Lukashenko Rossiya mudofaa vaziri bilan uchrashdi.
Belarus har qanday tashqi tajovuzni qaytarishga tayyor. Bu haqda Aleksandr Lukashenko Rossiya mudofaa vaziri Sergey Shoygu bilan uchrashuvda aytib o‘tdi.
Minskdagi harbiy departament rahbari belaruslik hamkasbi Viktor Xrenin bilan harbiy-texnik hamkorlik bo‘yicha yangilangan shartnomani imzolagan.
Gʻarb tahlilchilarining aytishicha, Moskva Minskka bosimni to‘xtatmayapti, biroq mamlakat ichidagi vaziyat tufayli Belarusning bevosita urushga aralashish ehtimoli juda kam.
Har ikki tomonning xabarlariga ko‘ra, frontdagi vaziyat nisbatan barqaror. Shanba kuni kechqurun Rossiya qo‘shinlari Donetsk viloyatidagi Kramatorsk sanoat zonasiga raketa hujumi uyushtirdi. Moskvaning da’vo qilishicha, bu raketalar xorijiy yollanma askarlar joylashgan joylarga urilgan.
Ukraina sharqidagi eng keskin hudud rus qo‘shinlari joylashgan Baxmut bo‘lib qolmoqda.
