Prezident va bosh vazir gapi bir joydan chiqmadi
Tokayev va Smailov iqtisodiy o‘sish bo‘yicha vaziyatni turlicha baholadi.
Qozog‘istonda hukumatning kengaytirilgan yig‘ilishi bo‘lib o‘tmoqda. Unda mamlakat rahbari Qosim-Jo‘mart Tokayev nutq so‘zlayapti.
"11 oyda iqtisodiy o‘zish 4.6 foizdan 2.7 foizgacha sekinlashdi. Inflyatsiya so‘nggi 14 yilda tarixiy maksimumga yetdi, u 19.6 foizni tashkil etmoqda", — degan Prezident.
Uning qo‘shimcha qilishicha, joriy vaziyat aholi turmush darajasi va daromadlariga salbiy taʼsirini o‘tkazyapti. Shu bilan birga Tokayev odamlar bugunning o‘zida katta o‘zgarishlarni kutayotganini aytgan.
O‘z navbatida Qozog‘iston bosh vaziri vaziyat Tokayev aytganidan biroz yaxshiligini taʼkidladi. Masalan, tashqi savdo aylanmasi yanvar-oktyabr oylarida 34 foizga oshganini va 111 milliard dollarni tashkil etganini maʼlum qilingan.
Ammo bosh vazir Tokayevning inflyatsiya bo‘yicha raqamlari haqiqatga mos kelishini qayd etgan. Uning so‘zlariga ko‘ra, bunga geosiyosiy taranglik, narxlarning rekord darajada o‘sishi va logistika aloqalarining buzilishi sabab bo‘lgan.
