Twitter xarajatlarni keskin qisqartirmoqda
Kompaniya qator to‘lovlarni bekor qilgan.
Twitter xarajatlarni qisqartirish fonida ofislarga ijara puli to‘lashni to‘xtatdi. Bu haqda o‘z manbalariga tayanib The New York Times xabar berdi.
Uning maʼlumotlariga ko‘ra, kompaniya Ilon Mask tomonidan sotib olingandan keyin tejamkorlik maqsadida San-Fransiskodagi bosh ofisi uchun ijara to‘lashni to‘xtatib qo‘ygan. Bu tartib boshqa davlatlarda joylashgan idoralar bo‘limlar uchun ham joriy etilgan.
Bundan tashqari, Mask avvalgi rahbariyat davrida foydalanilgan xususiy aviatashuvchilarga ham pul to‘lashdan bosh tortgan. Shuningdek, ishdan bo‘shatilgan xodimlar uchun dam olish kunlari beriladigan maxsus to‘lov berish ham bekor qilingan.
Mask Twitter bilan bog‘liq sud jarayonlaridan xavotirga tushib, kompaniyaning yuristlar jamoasini kuchaytirish bilan shug‘ullanmoqda.
