173 foizlik o‘sish. Rossiya gazni asosan qayerga eksport qilayotgani maʼlum bo‘ldi
Ukraina mojarosidan keyin Yevropa Moskvadan gaz sotib olishni keskin kamaytirgandi.
2022 yilning dastlabki 10 oyida Rossiyadan Xitoyga gaz eksport qilish o‘tgan yilning mos davriga nisbatan 173 foizga ko‘paygan. Bu haqda XXRning Moskvadagi elchisi Chjan Xanxuey maʼlum qildi.
“Joriy vaziyatda Xitoy-Rossiya hamkorligining yangi istiqbollari ko‘rinmoqda. Biz ikki davlat o‘rtasidagi gaz bo‘yicha hamkorlikni o‘zaro manfaatli asoslarda... rivojlantirishga tayyormiz”, – degan diplomat.
Elchi Xitoy dunyodagi eng yirik gaz isteʼmolchisiga aylanganini taʼkidlagan. U mamlakat “moviy olov” importini oshirishda katta salohiyatga egaligi qayd etilgan.
Ukrainadagi urush oqibatida rus gazining eng yirik importyori bo‘lgan Yevroittifoq Moskvadan yoqilg‘i sotib olishni kamaytirdi. Natijada RF Osiyo bozorlariga eksportni oshirgan.
