"Ona tilini bilish majbur"
Milliy o‘zligimiz timsoli, maʼnaviyatimiz asosi bo‘lgan ona tilimizga eʼtibor yana-da kuchaytiriladi.
«Maktablarda taʼlim sifati hamda jamiyatda o‘qituvchi kasbi nufuzini oshirish, sharoitlarini yaxshilash 2023 yildagi eng asosiy vazifalarimizdan biri bo‘ladi.
O‘qituvchilarning maqomini, ularning shaʼni va qadr-qimmatini himoya qilishni Konstitutsiyada alohida belgilash zarur, deb hisoblayman», — Prezident.
«O‘quvchilarda erkin, tanqidiy va kreativ fikrlashni, jamoad́a ishlash va muloqot ko‘nikmalarini shakllantirish zarur.
Mana, maktablarimizga qanday muhit kirib kelishi kerak!
Bu borada, Prezident maktablarida 130 ta mamlakatda maʼqullangan “Ey-Level” taʼlim dasturi yo‘lga qo‘yilgani, o‘z samarasini bermoqda», — Prezident.
«2023 yildan maktab taʼlimini xalqaro taʼlim dasturlari asosida butunlay isloh qilishni boshlaymiz», — Prezident.
«Kelasi yili 70 ta yangi maktab quriladi, 460 tasi kengaytiriladi.
Xususiy investitsiyalar ishtirokida 100 ta maktab qurish loyihalari boshlanadi, kelasi besh yilda ularning sonini mingtaga yetkazamiz», — Prezident.
Kelasi o‘quv yilidan barcha viloyatlar va Toshkent shahri maktablarida ham bepul ovqatlanish joriy etiladi.
«Yil boshidan Qoraqalpog‘iston va Xorazmda 285 ming nafar boshlang‘ich sinf o‘quvchilari uchun bepul ovqatlanish yo‘lga qo‘yildi. Bu borada yetarli tajriba orttirdik.
Endi, kelasi o‘quv yilidan ushbu amaliyot qolgan viloyatlar va Toshkent shahri maktablarida ham joriy etiladi va buning uchun 2,3 trillion so‘m ajratiladi», — Shavkat Mirziyoyev.
«So‘nggi olti yilda bolalarning maktabgacha taʼlim qamrovi 27 foizdan 70 foizga yetishi natijasida, bugungi kunda 2 millionga yaqin bola bog‘chaga borayapti.
Yaqinda, Toshkent shahrida o‘tkazilgan YUNESKOning Maktabgacha taʼlim bo‘yicha Umumjahon anjumanida ham, bu islohotlarimiz yuksak eʼtirof etildi.
Shu bilan birga, keyingi besh yilda qamrovni 80 foizga yetkazish uchun, 600 ming yangi bog‘cha o‘rni kerak.
Bu – juda katta marra.
Shu bois, bog‘chalar sonini ko‘paytirish, ulardagi taʼlim va tarbiya sifatini tubdan yaxshilash bo‘yicha besh yillik dastur qabul qilinadi.
Bog‘cha qamrovini kengaytirish bo‘yicha xususiy sektorga qo‘shimcha sharoitlar yaratiladi», — Shavkat Mirziyoyev.
