Toshqinlar ostida qolgan Malayziya: hodisa oqibatida 56 ming kishi evakuatsiya qilindi
Rasmiylar besh kishi, jumladan, 15 oylik bola halok bo‘lganini tasdiqladi.
Malayziyaning bir qancha hududlarida kuchli suv toshqinlari yuz berdi. Hukumat maʼlumotlariga ko‘ra, mamlakatdagi beshta shtatda 56 159 kishi evakuatsiya qilindi.
«Ko‘p zarar ko‘rgan hududlar yarimorolning sharqiy qirg‘og‘ida joylashgan. Kelantan shtatidan 17 326 kishi va Trenganu shtatidan 37 792 kishi suv toshqini oqibatlarini bartaraf etish markazlariga evakuatsiya qilindi», — deya xabar berdi Bernama davlat axborot agentligi.
Rasmiylar besh kishi, jumladan, 15 oylik bola halok bo‘lganini tasdiqladi.
Zarar ko‘rgan bir qancha hududlardagi daryolarda suv sathi xavfli darajadan oshib ketdi.
Yong‘in xavfsizligi va qutqaruv departamenti direktori Ahmad Izram Osmonning aytishicha, uning jamoasi Trenganudagi suv toshqini bilan bog‘liq vaziyat haqida aniq hisobot olish uchun havodan kuzatuv olib bormoqda va Kelantanda ham xuddi shunday kuzatuv o‘tkazishini aytdi.
Boshqa jabrlangan shtatlarda (Paxang, Johor va Perak) bir necha yuz kishi evakuatsiya qilindi.
