Tugab borayotgan yilda qancha jurnalist o‘ldirildi?
Meksika va Ukraina jurnalistlar uchun eng xavfli davlatlar bo‘lib qolmoqda.
"Chegara bilmas muxbirlar" xalqaro tashkiloti hisob-kitobiga ko‘ra, 2022-yilda kamida 59 nafar OAV xodimi o‘ldirilgan. Meksika eng xavfli davlat bo‘lib qolmoqda, Ukraina undan keyingi o‘rinda.
Halok bo‘lganlarning 80 foizi atayin o‘ldirilgan.
Tashkilot maʼlumotiga ko‘ra, Meksikada kamida 11 jurnalist o‘ldirib ketilgan. Ular uyushgan jinoyatchilik kabi o‘tkir mavzularni yoritayotgan bo‘lgan. "Chegara bilmas muxbirlar" tashkiloti yana 6 ta holatda jurnalistning o‘limi uning faoliyati bilan bog‘liq bo‘lganini isbotlay olmagan.
2022-yilda Ukraina ham OAV xodimlari uchun eng xavfli mamlakatga aylandi. U yerdagi harbiy harakatlarni yoritish davomida har doimgidan ko‘p mahalliy va xorijlik jurnalistlar halok bo‘lgan.
Shunindek, ketayotgan yilda kamida 65 nafar OAV xodimi o‘g‘irlab ketilgan.
Tashkilot ayni paytd hibsda saqlanayotgan jurnalistlar sonini ham eʼlon qildi: 533 nafar. Ularning yarmidan ko‘pi Xitoy, Myanma, Eron Vyetnam va Belarus qamoqxonalarida saqlanmoqda.
