Kuchli qor bo‘ronlari tufayli Qozog‘istonning qator viloyatlarida trassalar yopildi (video)
Yo‘llarda qolib ketgan 600 dan ortiq kishi evakuatsiya qilingan.
Qozog‘istonda o‘ta kuchli qor bo‘ronlari tufayli avtomobil yo‘llaridagi 127 uchastka yopildi. Bu haqda Sputnik Kazaxstan xabar berdi.
Qayd etilishicha, yopilgan qismlarning 49 tasi Respublika darajasidagi yo‘llarda, 79 tasi viloyat darajasidagi yo‘llarda joylashgan. So‘nggi sutkada yo‘lda qolib ketgan 691 kishi, xususan, 137 nafar bola evakuatsiya qilingan.
Olma-Ota, Oqmola, Sharqiy Qozog‘iston, Jambil, Qarag‘anda, Kostanay va Turkiston viloyatlaridagi trassalar yopilgan. Blokpostlarda 600 ga yaqin avtomobillar to‘planib qolgan.
Yopilgan uchastkalarda 838 ta vaqtinchalik isinib olish punktlari ochildi. Hozirgi vaqtda bu yerda 420 odam joylashgan, ularning 69 tasini bolalar tashkil etadi.
Respublika hukumati yo‘llarda favqulodda holatlarni oldini oshi uchun shtablar tuzgan.
