Qaysi davlatlar Xitoydan kelgan sayyohlarga cheklovlar qo‘yadi?

 

Xitoyda koronavirusga qarshi cheklovlar yengillashtirilgandan so‘ng, kasallanganlar soni ortgani sababli, bir qator davlatlar Xitoydan kelayotgan yo‘lovchilarga yangi talablar qo‘ydi, deb xabar berdi AFP.

 

Xitoydan kelgan sayohatchilarga Covid-19 test talablarini va boshqa qoidalarni kuchaytirgan mamlakatlar haqida qisqacha maʼlumot:

 

Amerika Qo‘shma Shtatlari

5 yanvardan boshlab, AQSH Xitoydan kelgan barcha sayohatchilardan Covidga testidan o‘tishni talab qiladi, manfiy test natijasi faqat ikki kun davomida amal qiladi. Aks holda, oxirgi 90 kun ichida koronavirusdan tuzalganligi to‘g‘risida maʼlumotnoma taqdim etishi kerak.

AQSH Kasalliklarni nazorat qilish markazlariga ko‘ra, ushbu test PZR testini yoki antitanachaga testini o‘z ichiga oladi.

Gonkong va Makaodan kelganlar ham xuddi shunday talablarga bo‘ysunadi.

 

Yevropa Ittifoqi

5 yanvardan Fransiyaga Xitoydan kelgan barcha yo‘lovchilar jo‘nashdan kamida 48 soat oldin o‘tkazilgan PZR testi yoki tezkor antigen testining manfiy natijasini ko‘rsatishi kerak.

 

Italiya va Ispaniya ham COVID testini talab qilmoqda.

Yevropa davlatlari shu hafta yig‘ilish o‘tkazib, bu masalani muhokama qilmoqchi. Shu yildan beri Yevropa Ittifoqiga raislik qilayotgan Shvetsiya esa Yevropa Ittifoqiga kirishni cheklash masalasida butun Ittifoq uchun umumiy siyosat ko‘rib chiqilayotganini maʼlum qildi.

 

Avstraliya

Avstraliya, shuningdek, Xitoydan, jumladan Gonkong va Makaodan kelganlar uchun Covid -19 testining manfiy natijasini talab qiladi. Ular buni Pekindan koronavirus tarqalishi haqida aniq maʼlumot yo‘qligi bilan izohlashmoqda.

 

Kanada

Kanada Xitoydan kelgan barcha yo‘lovchilarni so‘nggi ikki kun ichida Covidga testdan o‘tkazishni talab qiladi.

 

Birlashgan Qirollik

5 yanvardan kuchga kiradigan qoidalarga ko‘ra, Xitoydan Buyuk Britaniyaga kelgan barcha yo‘lovchilar qo‘nishdan oldin testdan o‘tishi kerak.

Buyuk Britaniya hukumati, shuningdek, yangi shtammlarni aniqlash uchun baʼzi tashrif buyuruvchilarga qo‘shimcha testlar o‘tkazishini aytdi.

 

Isroil

Isroil Xitoydan kelgan chet elliklardan Covid testidan o‘tishni talab qiladi. Aeroportlarda ixtiyoriy ravishda tekshirilmoqchi bo‘lganlar uchun skrining markazi ochildi.

 

Yaponiya

Yaponiya Xitoydan kelganlar uchun yangi cheklovlarni joriy qilgan birinchi davlatlardan biri edi. Yaponiya davlatiga kirish uchun koronavirus testining manfiy natijasini ko‘rsatish kerak.

COVID tashxisi qo‘yilganlar yetti kun davomida maxsus muassasalarda karantinga olinadi. Bundan tashqari, Tokio Xitoy o‘rtasidagi reyslar sonini qisqartiradi.

 

Janubiy Koreya

Janubiy Koreya, shuningdek, Xitoydan kelganlarni sinchkovlik bilan tekshiradi, kirishdan oldin va kelishdan keyin manfiy Covid testini talab qiladi. Bu qoida Gonkong va Makaodan kelganlarga taalluqli emas.

 

Hindiston

Hindiston, shuningdek, Xitoydan va boshqa bir qancha Osiyo davlatlaridan kelgan sayohatchilardan mamlakatga kirishdan oldin 72 soat ichida manfiy Covid testini topshirishlarini talab qiladi.

 

Marokash

Afrikaning shimolida joylashgan Marokash davlati eng qattiq choralarni ko‘rdi. Ular Xitoydan kelgan yo‘lovchilarning mamlakatga kirishini taqiqladilar. Taqiq 3 yanvardan kuchga kiradi va keyingi ogohlantirishgacha amal qiladi. Mamlakat tashqi ishlar vazirligi maʼlumotlariga ko‘ra, bu qadam «Marokashda yangi to‘lqin va uning oqibatlarini oldini olish maqsadida qilinmoqda».