Jek Ma Ant Group ustidan nazoratni yo‘qotmoqda
Ushbu gigant dunyoning eng yirik moliyaviy korporatsiyalaridan biri hisoblanadi.
Ant Group asoschisi Jek Ma endi kompaniyani nazorat qilmaydi, deb maʼlum qildi Xitoy fintech-giganti. “Reuters” maʼlumotlariga ko‘ra, uning ulushi 50 foizdan 6,2 foizga tushib ketgan.
Ant Group - dunyodagi eng yirik moliyaviy korporatsiyalardan biri bo‘lgan Alibaba Group‘ning moliyaviy bo‘linmasi. U AliPay to‘lov tizimiga egalik qiladi.
2020-yilda Ant Group Shanxay va Gonkong fond birjalarida birlamchi ommaviy joylashtirishga tayyorlanayotgan edi. Biroq, savdo boshlanishidan bir necha kun oldin tartibga soluvchilar Jek Mani so‘roqqa chaqirishdi va Ant Group‘ni joylashtirish nomaʼlum muddatga qoldirildi.
