Qozog‘istonga kirish qoidalari kuchaytirildi
Yangi tartib 27-yanvardan amal qiladi.
Qozog‘iston hukumati xorijliklarning respublikaga kirishi va qolishi qoidalarini o‘zgartirdi. 27-yanvardan amal qiladigan yangi tartibga ko‘ra, Yevroosiyo iqtisodiy ittifoqiga aʼzo mamlakatlar fuqarolari, jumladan, rossiyaliklar Qozog‘istonda 90 kundan ortiq bo‘lmagan muddatda qolishlari mumkin.
Muddati tugayotgan muhojirlar mamlakatni tark etib, yashash muddatini yangilab qaytishlari mumkin.
Agar ushbu muddat oshib ketgan bo‘lsa, mamlakatni tark etgan chet el fuqarosiga kirish taqiqlanadi. Vaqtinchalik yashash uchun ruxsatnomaga ega bo‘lganlarga yangi qoidalar taʼsir qilmaydi.
Qozog‘iston Ichki ishlar vazirligi 2022 yil noyabrida «visaran» tartibidan voz kechishni taklif qilgandi. Migratsiya qoidalarini o‘zgartirish muhojirlarning mamlakatga kirib kelishi ustidan nazoratni taʼminlash, shuningdek, noqonuniy migratsiyaga qarshi kurashishga yordam beradi.
2022 yilda Qozog‘istonga 5,6 milliondan ortiq xorijlik kelgan. Ularning 2,9 millioni rossiyaliklardir. Taʼkidlanishicha, sentyabr oyining oxiridan beri Qozog‘istonga kelgan deyarli 150 ming Rossiya fuqarolari respublikada qolgan. Ulardan 36 ming nafari vaqtinchalik yashash uchun ruxsatnoma oldi.
