Dani Alves Ispaniya politsiyasi tomonidan hibsga olindi
Unga jinsiy zo‘ravonlik aybi qo‘yilmoqda.
Mashhur braziliyalik futbolchi Dani Alves Ispaniya politsiyasi tomonidan Barselonada jinsiy zo‘ravonlik aybi bilan hibsga olindi. Bu haqda Ispaniyaning Marca nashri xabar bermoqda.
Manbaga ko‘ra, Barselonadagi tungi klubda bir qizga jinsiy tajovuz qilganlikda ayblangan futbolchi politsiya mashinasida olib ketilgan. Braziliyalik futbolchining kelajagi haqida qaror endi qabul qilinadi. Avvalroq Alves politsiya bo‘limida ko‘rsatma bergan edi. Qayd etilishicha, futbolchini qamoqqa yuborish varianti dargumon.
Taxminlarga ko‘ra, voqea 30 dekabr kuni sodir bo‘lgan. 2 yanvar kuni politsiyaga rasman shikoyat qilingan. Futbolchi va uning atrofidagilar bu ayblovlarni rad etishmoqda.
