Tojikiston O‘zbekiston bilan chegaradagi nazorat-o‘tkazish punktlarini kuchaytiradi
Bu haqda Tojikiston bojxona xizmati rahbari maʼlum qildi.
Tojikiston va O‘zbekiston o‘rtasida eng yaxshi zamonaviy uskunalar bilan taʼminlangan chegara punktlari quriladi. Bu haqda Tojikiston bojxona xizmati rahbari Xurshed Karimzoda maʼlum qildi.
Taʼkidlanishicha, O‘zbekiston bilan tovar ayirboshlash hajmining oshishi va Tojikistonni tranzit mamlakatga aylantirish yo‘nalishi chegara punktlarini yaxshilash zarurligini taqozo etmoqda.
Hamkorlar bilan o‘tkazilgan muzokaralar natijalariga ko‘ra, “2020-2024 yillarda Tojikiston bojxona organlarini rivojlantirishning o‘rta muddatli dasturi”ni amalga oshirish uchun texnik va moliyaviy yordam ajratishga kelishib olingan.
Xususan, chegara punktlarini qurish, taʼminlash va mustahkamlash, shuningdek, bojxona nazoratining texnik vositalari bilan taʼminlash loyihalarini ishlab chiqish va amalga oshirish ko‘zda tutilgan.
