Ukraina Xalqaro Olimpiya qo'mitasiga “tuhmat” qildimi?
Vladimir Zelenskiy rossiyalik sportchilarni musobaqalarga qaytarish bo’yicha harakatlarni keskin tanqid qilgandi.
Xalqaro Olimpiya qo'mitasi XOQni urushni avj oldirishda ayblagan Ukraina rasmiylarining keskin tanqidlarini rad etdi. Kiyev tashkilotning rossiyaliklarga 2024-yilda Parijda bo‘lib o‘tadigan Olimpiada o‘yinlarida ishtirok etishiga ruxsat berish niyatidan norozi bo'lgan edi.
XOQ Ukraina tanqidlarini “tuhmat” deb atadi.
“XOQ bu va boshqa tuhmatli bayonotlarni qat'iyan rad etadi. Ular hech qanday konstruktiv muhokama uchun asos bo'la olmaydi”, — deyiladi Xalqaro olimpiya qo'mitasi bayonotida.
Eslatib oʻtamiz, Prezident Vladimir Zelenskiy Xalqaro Olimpiya qoʻmitasining rossiyalik sportchilarni musobaqalar va Olimpiya oʻyinlariga qaytarishga urinishlari “terrorni qabul qilinadigan narsa boʻlishi mumkinligini butun dunyoga aytishga urinish” ekanini aytgan edi.
