0
Professional taʼlim muassasalari o‘qituvchilarining oyligi oshirilishi mumkin
Ushbu maqsadlarga joriy yilda 139 mlrd so‘m yo‘naltiriladi — farmon loyihasi.
2023-yil 1-apreldan boshlab:
- professional taʼlim muassasasi pedagoglarining bazaviy tarif stavkalari mos ravishda umumiy o‘rta taʼlim muassasasi pedagoglarining bazaviy tarif stavkalariga;
- professional taʼlim muassasasi birinchi va ikkinchi malaka toifasiga ega bo‘lgan, malaka toifasiga ega bo‘lmagan oliy maʼlumotli hamda oliy maʼlumotga ega bo‘lmagan ishlab chiqarish taʼlimi ustalarining bazaviy tarif stavkalari tegishincha umumiy o‘rta taʼlim muassasasi birinchi va ikkinchi malaka toifali o‘qituvchisi, oliy maʼlumotli o‘qituvchisi hamda o‘rta maxsus maʼlumotli o‘qituvchisining bazaviy tarif stavkalariga tenglashtirilsin;
Natijada, 27 nafar professional taʼlim muassasalari o‘qituvchilarining oylik maoshlari 20 foizga oshirilib, o‘rtacha 3 mln so‘mga teng bo‘ladi.
Farmon loyihasiga ko‘ra, ushbu maqsadlarga joriy yilda 139 mlrd so‘m yo‘naltiriladi.
