Filippinda 6 balli zilzila yuz berdi
Bu haqda Filippin vulqonologiya va seysmologiya instituti maʼlum qildi.
Payshanba kuni ertalab Filippinda 6,0 magnitudali zilzila sodir bo‘ldi. Bu haqda Filippin vulqonologiya va seysmologiya instituti maʼlum qildi, deya xabar beradi Sinxua agentligi.
Zilzila mahalliy vaqt bilan 02:10 da qayd etilgan bo‘lib, epitsentri Batuan shahridan taxminan 11 kilometr janubi-g‘arbda, Masbate provinsiyasi, Luson orolida, 10 kilometr chuqurlikda joylashgan.
Yerosti silkinishlari Luson va markaziy Filippinda, jumladan, Albay provinsiyasidagi Legaspi shahri, Sorsogon, Shimoliy Samar, G‘arbiy Negros va Janubiy Leyteda ham sezilgan.
Jabrlanganlar haqida maʼlumot yo‘q.
AQSH Geologiya xizmati zilzila magnitudasi 6,1, chuqurligi esa 20 km. deb baholadi.
