BMT Turkiya uchun 1 milliard to‘plamoqchi
Bu 5 million odamga 3 oy yordam ko‘rsatishga yetadi.
BMT Bosh kotibi Antoniu Guterrish dunyo davlatlarini Turkiya uchun 1 milliard dollar to‘plashga chaqirdi. Uning so‘zlariga ko‘ra, bu mablag‘ uch oy davomida 5.2 million odamga yordam ko‘rsatishga yetadi.
"Ehtiyojlar katta, odamlar azoblanmoqda, vaqt yo‘qotmaslik kerak. Men xalqaro hamjamiyatni faollashishga va davrimizning eng yirik tabiiy ofatlaridan birining oqibatlarini bartaraf etish uchun zarur harakatlarga chaqiraman", — deyiladi BMT saytida eʼlon qilingan Bosh kotib bayonotida.
Uning so‘rovi tashkilotning gumanitar masalalarni muvofiqlashtirish boshqarmasi rahbari Martin Griffits tomonidan qo‘llab-quvvatlangan.
6 fevralda Turkiyada yuz bergan zilzila oqibatida 35 mingdan ortiq inson halok bo‘ldi. 47 ming bino vayron bo‘lgan.
