Sadir Japarov Qirg‘izistonning barcha prezidentlari bilan yig‘ilish uyushtirdi
Amaldagi davlat rahbari va sobiq prezidentlar bir-birlarini kechirishgan.
Yig‘ilishda Asqar Akayev, Qurmanbek Bakiyev, Roza Otunbayeva, Almazbek Atambayev va Sooronbay Jeenbekov ishtirok etgan. Uchrashuv joyi neytral hudud sifatida belgilangan.
Sadir Japarov ijtimoiy tarmoqlarda katta murojaat eʼlon qildi. Amaldagi va sobiq prezidentlarni bir stolga o‘tirishdi.
“Mamlakat kelajagini o‘ylasak, «Akayevniki», «Bakiyevniki», «Atambayevniki», «Otunboyevniki», «Jeenbekovniki», va boshqalarga bo‘linishni bas qilish kerak. Qirg‘iziston xalqining birligi, ertangi kunini o‘ylash kerak”, — dedi Japarov.
Sobiq prezidentlar Japarovning bu tashabbusini qo‘llab-quvvatladi. Ular noroziliklari haqida gapirib, xatolarini tan olishgan va bir-birlarini kechirishgan.
“Kechira bilish va kechirilish din nuqtayi nazaridan ham, ajdodlar odatlaridan ham buyuk anʼanadir. Agar Qirg‘iziston taraqqiyotini istasak, eski norozilikdan voz kechishimiz kerak”, — deya qo‘shimcha qildi amaldagi prezident.
