Oq uy davlat idoralaridan TikTok’ni korporativ qurilmalardan o'chirib tashlashni talab qildi
Buning uchun 30 kun vaqt berilgan.
AQSh davlat idoralari korporativ qurilmalardan Xitoy ijtimoiy tarmog‘i bo'lgan TikTok ilovalarini o‘chirish uchun 30 kun vaqt oladi. Reuters xabarlariga ko'ra, Prezident Jo Bayden ma'muriyati bo'limlarga dasturlarni olib tashlash bo'yicha ko'rsatma yuborgan.
2022-yil 15-dekabrda AQSh Senati davlat idoralariga tegishli qurilmalarda TikTok’ni taqiqlash uchun ovoz berdi. Amerika rasmiylari Xitoyning "ByteDance" kompaniyasi platformasi amerikaliklar orasida josuslik qilishi mumkin, deb hisoblamoqda.
26-fevral kuni Yevropa komissiyasi xodimlarga rasmiy smartfonlarda TikTok’dan foydalanishni taqiqladi. YeK xodimlari, shuningdek, rasmiy ma'lumotlarga kirish huquqiga ega bo'lgan shaxsiy smartfonlardan ham dasturlarni o'chirib tashlashlari kerak edi.
