Toshkentda avtobus haydovchilari o‘rtasida janjal chiqdi
Holat bo‘yicha shahar IIBB maʼlumot berdi.
Bugun, 28-fevral kunida Toshkent shahrining Yashnobod tumanida avtobus haydovchilari yo‘l talashib janjallashdi. Holat yuzasidan shahar IIBB axborot xizmati maʼlumot berdi.
Qayd etilishicha, soat 08:20 larda avtobus haydovchilari — 1995-yilda tug‘ilgan M.M. va 1991-yilda tug‘ilgan N.B. Yashnobod tumani Izzat ko‘chasida yo‘l talashib, jamiyatda yurish-turish qoidalarini qasddan mensimasdan jamoat tartibini buzgan.
Mazkur holat yuzasidan M.M. va B.N.larga nisbatan Maʼmuriy javobgarlik to‘g‘risidagi kodeksning 183-moddasi (“Mayda bezorilik”) bilan maʼmuriy bayonnoma rasmiylashtirilgan.
