Gretsiyada poyezdlar to‘qnashuvi: vokzal boshlig‘i hibsga olindi
Mamlakat transport vaziri esa o‘z ixtiyori bilan isteʼfoga chiqdi.
Gretsiyaning Hellenic Train temir yo‘l kompaniyasi chorshanba kuni Larisa shahri yaqinida yo‘lovchi va yuk poyezdlarining to‘qnashuvi tufayli 14 ta yo‘nalishdagi poyezdlar harakatini bekor qildi. Shuningdek, Larisa shahridagi stansiya rahbari hibsga olingani haqida maʼlumot bor. Bu haqda euronews.com xabar berdi.
Eslatib o‘tamiz, kecha Larisa shahri yaqinidagi Tempe aholi punkti hududida yo‘lovchi va yuk poyezdlari bir yo‘lda bo‘lgan. Birinchisi Afinadan Salonikiga, ikkinchisi — teskari yo‘nalishda.
To‘qnashuv vaqtida poyezdlarning birinchi vagonlari to‘liq ezilgan, zarbadan g‘ildiraklar va korpusning bo‘laklari temir yo‘ldan 100 M masofaga otilib ketgan. Voqea sodir bo‘lganidan so‘ng darhol yong‘in boshlandi.
Gretsiya infratuzilmalar va transport vaziri Kostas Karamanlis kamida 40 kishining hayotiga zomin bo‘lgan yo‘lovchi poyezdi halokatidan keyin isteʼfoga chiqdi.
Yo‘lovchi poyezdida 350 ga yaqin odam bo‘lgan. Xabarlarga ko‘ra, ularning aksariyati Lent karnavalidan qaytgan talabalardir. U 4 yil ichida birinchi marta o‘tkazildi.
Gretsiya Bosh vaziri Kiriakos Mitsotakis fojia sodir bo‘lgan joyga borgan va mamlakatda uch kunlik motam eʼlon qilingan.
