Eron–Saudiya Arabistoni munosabatlari tiklanmoqda
Tomonlar bir necha kunlik muzokaralardan so‘ng kelishuvga erishdi.
Eron va Saudiya Arabistoni Xitoyda munosabatlarni normallashtirish va elchixonalar ochishga kelishib oldi.
Aloqalar 2016 yili Saudiya Arabistoni hukumati va shialar o‘rtasidagi mojaro, shuningdek, Tehrondagi Ar-Riyod elchixonasidagi tartibsizliklardan so‘ng uzilgandi. Pekinda davom etgan bir necha kunlik uch tomonlama muzokaralardan so‘ng Eron va Saudiya Arabistoni murosaga kelishdi. Ular kelgusi ikki oy ichida diplomatik munosabatlarni tiklashga va o‘z elchixonalarini qayta ochishga qaror qildi.
Xabar qilinishicha, Eron Milliy xavfsizlik oliy kengashi kotibi Ali Shamxaniy Tehron va Ar-Riyod o‘rtasidagi kelishmovchiliklarni bartaraf etish bo‘yicha saudiyalik hamkasbi bilan intensiv muzokaralar olib borish uchun 6 martdan beri Pekinda bo‘lgan.
