“Putin Germaniyaga qadam qo‘ysa, qo‘lga olinadi”
Germaniya Adliya vaziri Gaaga sudining qarori bajarilishini aytdi.
Germaniya Adliya vaziri Marko Bushman Rossiya prezidenti Vladimir Putin nemis tuprog‘iga qadam qo‘ysa, hibsga olish orderini bajarishini aytdi. Bu haqda “Korrespondent” nashri xabar bermoqda.
“Agar Putin kelsa, Xalqaro jinoiy sud tezda Interpol va shartnoma tuzuvchi davlatlarga murojaat qiladi va order ijro etilishini talab qiladi”, — dedi vazir.
Uning qo‘shimcha qilishicha, Milliy huquq-tartibot idoralaridan farqli o‘laroq, XJS davlat rahbarlariga nisbatan ham chora ko‘rishi mumkin.
Avvalroq AQSH prezidenti Jo Bayden Xalqaro jinoyat sudining Putinni hibsga olish uchun order berish haqidagi qarorini kuchli qadam deb atagandi.
