Yevropa Rossiyaga cheklovlarni chetlab o‘tishga yordam berayotgan Markaziy Osiyo davlatlariga sanksiya joriy etmoqchi
YеI rahbariyati mintaqadan RFga ikki maqsadli tovarlar eksporti oshganini qayd etgan.
Yevroittifoq Rossiyaga savdo cheklovlarini chetlab o‘tishda yordam berayotgan Markaziy Osiyo davlatlariga qarshi sanksiya joriy etishi mumkin.
The Telegraph nashri maʼlumotlariga ko‘ra, YеI rahbariyati Markaziy Osiyo davlatlaridan Rossiyaga turli tovarlar, birinchi navbatda ikki maqsadli mahsulotlar eksporti oshganini sezgan. Masalan, kir yuvish mashinalari va ishlatilgan avtomobillar sotuvi ko‘paygan. Yevropa amaldorlari bu kabi mahsulotlar RFga savdo cheklovlarini chetlab o‘tishga yordam berishidan xavotirda.
Yevroittifoq rahbarlari Markaziy Osiyo davlatlari vakillari bilan muzokara o‘tkazish niyatida. Ular mintaqa davlatlarini sanksiyalarni chetlab o‘tishga yordam berishning salbiy oqibatlaridan ogohlantirmoqchi. Agarda YеI Moskvaga reeksport holatlari mavjudligini isbotlasa, Yevropa bunga aloqador davlatlarga o‘z bozoriga kirishni cheklaydi.
Eslatib o‘tamiz, Qozog‘iston 1 apreldan Rossiyaga eksportni real vaqt rejimida kuzatish tartibini joriy etadi.
