AQSHda tornado oqibatida 25 kishi halok bo‘ldi
Prezident Jo Bayden bir qator okruglarda favqulodda holat eʼlon qildi.
AQSHning Missisipi shtatida tornado oqibatida 25 kishi halok bo‘ldi. Bu haqda Euronews xabar berdi.
Rolling-Fork shahri tabiiy hodisadan eng ko‘p zarar ko‘rdi. Shaharda yuzlab binolar vayron bo‘lgan, o‘nlab odamlar jarohatlangan.
AQSH prezidenti Jo Bayden bir qator okruglarda favqulodda holat eʼlon qildi. Jarohatlanganlarga yordam ko‘rsatishni topshirdi. Bunga vaqtinchalik boshpana qurish kiradi. Buzilgan infratuzilmani tiklash, uyi sug‘urtalanmaganlarga imtiyozli kreditlar berish zarurligini aytdi.
Eslatib o‘tamiz, 2011 yil aprel oyida bu shtatda tornado ro‘y berib, 31 kishi halok bo‘lgandi.
