Xitoy Ukrainadagi o‘yin qoidalarini o‘zgartira oladigan yagona kuchmi?
Fransiya rasmiylari Pekin nizoning har ikki tomoniga birdek taʼsir ko‘rsata oladi, deb hisoblamoqda.
Xitoy Ukrainadagi urushda o‘yin qoidalarini o‘zgartira oladigan kam sonli davlatlardan biri. Bu haqda jurnalistlarga Emmanuel Makronning Xitoyga tashrifi arafasida Fransiya prezidenti devonidagi manba maʼlum qildi, deb yozadi CNN.
“Aniqki, Xitoy Yer yuzidagi kam sonli davlatlardan biri – ehtimol dunyodagi yagona davlat – u har ikki tomon uchun mojaroga o‘zgartiruvchi taʼsir ko‘rsatadi”, deyiladi manbada.
Makron chorshanba kuni Pekinga tashrifini boshlaydi va 8 aprel kuni Xitoyni tark etishdan oldin janubiy Guanchjou shahriga ham boradi.
XXR raisi Si Szinpin va Bosh vazir Li Syan bilan rejalashtirilgan uchrashuvlarda Makron "Ukraina xalqi uchun foydali bo‘lgan tashabbuslarni sinab ko‘rish uchun makon topishni va o‘rta muddatli istiqbolda bu urushni tugatish uchun yechim izlash yo‘lini topishni maqsad qilgan”, deyiladi xabarda.
Shuningdek, u Yevropa Ittifoqi va Xitoy o‘rtasidagi hamkorlik masalasini ko‘tarishi kutilmoqda, chunki unga Yevrokomissiya rahbari Ursula fon der Lyayen hamrohlik qiladi.
