Samarqandda 18 yoshli qiz o‘z joniga qasd qilgani bo‘yicha jinoyat ishi ochildi
Hozirda qo‘shimcha ekspertizalar o‘tkazilmoqda.
Urgut tumanida 18 yoshli qiz o‘z joniga qasd qilganligi holati yuzasidan qo‘shimcha tekshirish harakatlari o‘tkazildi, deya xabar bermoqda Bosh prokuratura matbuot xizmati.
Marhumaga rahmsiz muomala qilish yoki uning shaʼni va qadr-qimmatini muttasil ravishda kamsitish holatlari bo‘lganiga aniqlik kiritish uchun guvohlarni batafsil so‘roq qilish, yuzlashtirish, qo‘shimcha ekspertizalar o‘tkazish va boshqa zarur tergov harakatlarini o‘tkazmasdan qonuniy to‘xtamga kelib bo‘lmasligini inobatga olib, Jinoyat kodeksining 103-moddasi (O‘zini o‘zi o‘ldirish darajasiga yetkazish) bilan jinoyat ishi qo‘zg‘atilgan.
Tergov jarayoni Samarqand viloyati prokuraturasi tomonidan nazoratga olingan.
