Avstraliyaga kuchli siklon yopirildi
Ayrim joylarda xavfning “qizil” darajasi eʼlon qilindi.
Avstraliyaning g‘arbiy qismiga «Ilza» nomli kuchli tropik siklon yopirildi.
Siklon so‘nggi 14 yildagi eng kuchli tabiiy ofat bo‘ldi. Soatiga 288 km tezlikda esgan shamol uylar va boshqa turdagi binolarni vayron qilgan, daraxtlar hamda sim yog‘ochlar qulagan. Qurbonlar va jarohat olganlar haqida hozircha rasmiy maʼlumot yo‘q.
Siklon yopirilgan hudud mamlakatning sanoat markazi sanaladi. Viloyatda oltin, temir va mis qazib olish uchun ko‘plab konlar mavjud. Joylarda xavfning “qizil” darajasi eʼlon qilingan.
