9-may Ukrainada Yevropa kuni nishonlanmoqda
Shu munosabat bilan Yevrokomissiya rahbari Kiyevga keldi.
Yevropa komissiyasi rahbari Ursula fon der Lyayyen Kiyevga yetib keldi.
“Ria Novosti” nashrining yozishicha, tashrif 9-may Yevropa kunini nishonlash doirasida amalga oshirilgan.
“Kiyevga qaytganimdan xursandman. Bu yerda biz qadrlaydigan qadriyatlar har kuni himoya qilinadi. Shuning uchun bu yer Yevropa kunini nishonlash uchun eng mos joy. Men qarorni mamnuniyat bilan olqishlayman”,— deydi Lyayyen.
Avvalroq Vladimir Zelenskiy Ukrainada 9 mayni Yevropa kuni deb belgilagandi. Prezident idorasi saytida eʼlon qilingan farmonda bu qaror Yevropa xalqlarining birligini mustahkamlash maqsadida qabul qilingani bayon etilgan.
Rossiya Tashqi ishlar vazirligi rasmiy vakili Mariya Zaxarova Vladimir Zelenskiy Ukrainada 9 mayni Yevropa kuni sifatida belgilab, ota-bobolariga xiyonat qilganini va uni “80 yildan keyin fashistlarning sherigi va xoini” deb atashlarini aytdi.
