Ukrainaga Abrams tanklari kuz boshida topshiriladi
Bu haqda Pentagon rahbari maʼlum qildi.
Pentagon rahbari Lloyd Ostinning so‘zlariga ko‘ra, avvalo ukrainalik harbiylarni yangi texnikadan foydalanishga o‘rgatish va tanklarga xizmat ko‘rsatish infratuzilmasini yaratish kerak.
"Bu uskuna, xususan, turbinali dvigatel va boshqa ancha murakkab tizimlar tufayli sezilarli darajada farq qiladi. Lekin biz uni imkon qadar tezroq ukrainaliklarga topshirishga harakat qilmoqdamiz", — deb tushuntirdi AQSH Mudofaa vaziri amerikalik senatorlar bilan suhbatda.
Avvalroq 250 ga yaqin ukrainalik harbiy xizmatchilar Germaniyadagi Grafenvyor poligonida Abrams tanklarini boshqarish va texnik xizmat ko‘rsatish bo‘yicha o‘qitilishi xabar qilingan edi. Qo‘shma Shtatlar modernizatsiyadan so‘ng Ukrainaga M1A1 tanklarini jo‘natadi.
