Saylov natijasi turk xalqi uchun foydali bo‘lishiga umid qilaman—Erdog‘an
Turkiyada umumiy saylovlarda ovoz berish davom etmoqda.
Turkiya prezidenti Rajab Toyib Erdo‘g‘on mamlakatda bo‘lib o‘tayotgan saylov natijalari turk xalqi va davlati uchun “foydali bo‘lishiga” umid bildirdi. Bu haqda u Istanbulning Osiyo qismidagi saylov uchastkasiga rafiqasi bilan ovoz berish uchun kelganida aytdi.
“Demokratiyaning kuchini ko‘rsatish uchun barcha saylovchilarimizning soat 17:00 dan oldin qo‘rqmasdan ovoz berishi juda muhim. Natijalar demokratiyamiz, xalqimiz va davlatimiz uchun foydali bo‘lishini tilayman”, — dedi Erdog‘an jurnalistlarga.
Erdog‘anning asosiy raqibi — muxolifatdagi “Xalq ittifoqi” partiyasidan yagona nomzod Kamol Qilichdoro‘g‘li. Saylov uchastkalari mahalliy vaqt bilan soat 17.00 gacha ishlaydi.
Mamlakat ichida 60 721 475 nafar fuqaro saylov huquqiga ega bo‘lib, ko‘pchilikni ayollar tashkil etadi.
