Fitoterapiya qaysi kasalliklarga foydali?
Bu bo‘yicha mutaxassis maʼlumot berdi.
Shifobaxsh o‘simliklar qadimdan tibbiy muolajalarning asosiy quroli bo‘lib kelgan. Zamonaviy tibbiyotda ham dori preparatlarining 45 foizi o‘simliklardan ajratib olinadi.
Fitoterapiyada har bir o‘simlik o‘ziga xos tarzda og‘riqni qoldiruvchi, tetiklashtiruvchi, tinchlantiruvchi, yurak faoliyatini yaxshilovchi, gipotenziya va gipertenziya, yallig‘lanishga qarshi, balg‘am ko‘chiruvchi va terlatuvchi kabi qator taʼsirlarga ega.
Ayniqsa, oshqozon-ichak faoliyatida ishtaha ochish, ovqat hazm qilish va ich surishda samarali qo‘llanib kelinmoqda.
Bundan tashqari, qon ketishini va ivishini kamaytiruvchi, bakteriyalarni o‘ldiruvchi fitoterapiya mahsulotlari ham keng foydalaniladi.
Bugungi kunda fitoteratsiyaning shifobaxsh xuusiyatlari qator kasalliklarni davolashda qo‘l kelmoqda:
—gastrit;
—oshqozon va o‘n ikki barmoqli ichak yarasi;
—xoletsistit;
—kolit va enterokolit;
—piyelonefrit;
—neyrotsirkulyar distoniya;
—nevroz va asteniya shular jumlasidandir.
Shifobaxsh o‘simliklar natijasida moddalar almashinuvi va qon tarkibidagi xolesterin miqdorini meʼyorlashtiradi.
O‘z navbatida, arterial qon bosimi bir meʼyorda bo‘lishi, yurakda va bosh miyada qon aylanishi yaxshilanishi, asablarni bo‘shashtirib uyqusizlikni bartaraf etish ham fitoterapiyaning ijobiy samaralaridandir.
Isteʼmol qilinadigan ko‘katlar va ziravorlar organizmga qo‘shimcha quvvat beradi. Agar fitoterapiya o‘z o‘rnida qo‘llanilsa, qo‘shimcha muolaja sifatida rivojlanish xavfi bo‘lgan kasalliklarni boshlanmasdan bartaraf etish mumkin.
