Erdog‘anning inauguratsiyasida 80 dan ortiq davlat vakillari ishtirok etadi

 

Turkiya prezidenti Rejep Tayyip Erdog‘anning 3-iyun kuni Anqaradagi prezidentlik majmuasida bo‘lib o‘tadigan inauguratsiya marosimida 21 ta davlat rahbari va 13 bosh vazir, shuningdek, ko‘plab vazirlar va xalqaro tashkilotlar vakillari, jumladan, Turkiy davlatlar tashkiloti, NATO va Islom hamkorlik tashkilotiga aʼzo hamkorlar qatnashadi, deya xabar bermoqda “Anadolu” axborot agentligi.

 

Prezidentlik saylovlarida 27 mln 834 ming 589 ovoz bilan g‘alaba qozongan Erdog‘an 3-iyun kuni mahalliy vaqt bilan soat 14:00 da Turkiya Buyuk Millat Majlisida qasamyod qilish marosimida ishtirok etadi. Erdog‘on mandatini Turkiya Oliy Millat Majlisi muvaqqat spikeri Devlet Baxchelidan qabul qilib oladi.

 

Marosimda Ozarbayjon Prezidenti Ilhom Aliyev, Venesuyela Prezidenti Nikolas Maduro, Bolgariya Prezidenti Rumen Radev, Chernogoriya Prezidenti Kiril Ramafosa, Qozog‘iston Prezidenti Qosim-Jomart Tokayev, Qirg‘iziston Prezidenti Sadir Japarov, Kongo Prezidenti Denis Sassu Nguyesso, Kosovo Prezidenti Vyosa Usmoniy, Shimoliy Makedoniya Prezidenti Ersin Tatar, Shimoliy Makedoniya Prezidenti Stevo Pendarovski, O‘zbekiston Prezidenti Shavkat Mirziyoyev, Turkmaniston Prezidenti Serdar Berdimuhamedov, Bangladesh Prezidenti Mohammad Shahabuddin Chuppu, Gvineya Prezidenti Mamadi Dumbua va boshqa bir qator davlat rahbarlari ishtirok etadi.

 

Bundan tashqari, faxriy mehmonlar ro‘yxatidan 13 nafar bosh vazir hamda Turkiy davlatlar tashkiloti Bosh kotibi Kubanichbek Omuraliyev, NATO Bosh kotibi Yens Stoltenberg va Islom hamkorlik tashkiloti Bosh kotibi Husayn Ibrohim Taha kabi 8 ta xalqaro tashkilot vakillari o‘rin olgan.

 

Inauguratsiya marosimi yakunlangach, Turkiya prezidenti Vazirlar Mahkamasining yangi tarkibini eʼlon qiladi.