Qandli diabetni davolashning yangi usuli topildi
Bu bo‘yicha AQSHda yangi tadqiqot o‘tkazildi.
AQSHning Uayl Kornell Medikal kolleji tadqiqotchilari qandli diabetdan xalos bo‘lishning samarali usulini topganini maʼlum qildi.
Buning uchun maxsus oqsillar yordamida oshqozon ildiz hujayralaridan insulin ishlab chiqarishga masʼul GINS hujayralari o‘stirilib, tajriba sichqonlari meʼdasiga ko‘chirib o‘tkazildi.
Maʼlum vaqtdan so‘ng bu tadqiqot o‘z natijasini ko‘rsatdi. Transplantatsiya qilingan hujayralar insulin ishlab chiqarishni muvofiqlashtirishga ijobiy taʼsir ko‘rsatishi tasdiqlandi.
Mutaxassislar fikricha, mazkur yangilik qandli diabetning 1-turi va boshqa oshqozonosti bezi kasalliklarini davolashda katta samara berishi mumkin.
Insonlarda o‘tkaziladigan klinik sinovlardan so‘ng yakuniy xulosalar maʼlum qilinadi.
