Gaitida suv toshqinidan keyin zilzila yuz berdi
3 kishi vayronalar ostida qolib, qurbon bo‘lgan.
Gaitining Jeremi shahrida zilzila oqibatida uch kishi halok bo‘ldi. Bir necha kun avval suv toshqini oqibatida 42 kishi halok bo‘ldi. Bu haqda BBC News xabar berdi.
AQSH Geologik xizmati maʼlumotlariga ko‘ra, kuni kecha Gaitida 4,9 magnitudali zilzila sodir bo‘lgan. Bu kuchli yomg‘irdan keyin qayd etilgan. Natijada, 13 mingdan ortiq odam o‘z uyini tark etishga majbur bo‘ldi.
Bosh vazir Ariel Anrining aytishicha, uning hukumati va xalqaro hamkorlari toshqin bilan kurashish uchun shoshilinch choralar ko‘rmoqda.
Birlashgan Millatlar Tashkilotining Jahon oziq-ovqat dasturi suv toshqini tufayli uy-joyini tashlab ketganlarni issiq ovqat bilan taʼminlashni boshlashini maʼlum qildi.
Gaiti rasmiylarining aytishicha, halok bo‘lgan uch kishining uyi qulaganda vayronalar ostida qolgan. Shuningdek, o‘ndan ortiq odam jarohatlangan.
Jeremi — Grand Ans departamentining janubi-g‘arbiy qismida joylashgan qirg‘oq shaharchasi. Bu hudud ikki yil avval zilziladan jiddiy zarar ko‘rgan va 2200 kishi halok bo‘lgan.
