Hayotda bir marta bo‘lsa ham Kapadokiyaga tashrif buyurishingiz uchun beshta sabab
Kapadokiya Turkiyaning eng jozibali mintaqalaridan biri.
Kapadokiya, mo‘jizakor tabiiy go‘zalligi va tarixiy obektlari bilan sayyohlarni o‘ziga tortadigan Turkiyaning eng jozibali mintaqalaridan biridir. Bu «ertaklar shahri» o‘zining g‘orda joylashgan mehmonxonalari, rang-barang havo sharlari, ming yillik uzumchilik va kulolchilik meroslari bilan har mavsumda o‘ziga xos tajribalarni taqdim etadi. Quyida Kapadokiyaga sayohatni o‘tkazib yubormaslikning beshta sababi bilan tanishamiz.
Kapadokiya ramzi: «Peri mo‘rilari»
Kapadokiya haqida o‘ylanganda birinchi bo‘lib hayolga keladigan tasvir «Peri mo‘rilari»dir. Kapadokiya ramzi bo‘lgan bu qadimiy qoya shakllarini mintaqaning istalgan joyidan ko‘rish mumkin. «Peri mo‘rilari»ning eng yaxshi namunalari Pashabog‘da joylashgan bo‘lib, u yerda “shlyapasimon” konus shaklidagi yuzasi qattiq toshlardan tashkil topgan namunalarni uchratish mumkin. Ushbu tosh shakllarining hayratlanarli ko‘rinishidan bahramand bo‘lishning eng yaxshi usuli bu issiq havo shari orqalidir. Quyosh ko‘kka ohista ko‘tarilayotganda, siz oyoqlaringiz ostidagi Kapadokiya ajoyibotlarini ko‘rish imkoniga ega bo‘lasiz.
G‘or mehmonxonalarida o‘z xonangizni band qiling
Kapadokiyaning «G‘or mehmonxona»sida qolish o‘z tashrif buyuruvchilarga taqdim etadigan eng unutilmas tajribalardan biridir. G‘or mehmonxonalarining o‘ziga xos arxitekturasi va dizayni joyning jozibadorligini oshirib, uni sayohatchilar tashrif buyurishi zarur bo‘lgan manzilga aylantiradi.
G‘aroyib yer osti shaharlari sizni o‘tmishga yetaklaydi
Kapadokiyada miloddan avvalgi II ming yillikda yashab o‘tgan Xetlar davriga oid qoldiqlar mavjud. Xususan, 1985-yildan beri YUNESKO‘ning Butunjahon merosi ro‘yxatiga kiritilgan Go‘reme ochiq osmon ostidagi muzey qoyalarga o‘yilgan muqaddas joylar va ilk nasroniylik davrining muhim manzaralarini aks ettiruvchi freskalari bilan diqqatga sazovordir. Shuningdek, yer osti shaharlari Kapadokiya sayohatlarining qiymatini yana-da oshiradi. Milodiy VII-VIII asrlarda paydo bo‘lgan bu shaharlardan ilk nasroniylar ham ibodat qilish maqsadida foydalanganlar. Kaymakli, Derinkuyu, O‘zkonak va Mazi kabi yer osti shaharlari o‘nlab yillar davomida saqlanib qolgan va chuqurlikdagi xonalari, ovqatxonalar, cherkovlar va oziq-ovqat omborlari bilan mintaqa aholisining «yer osti» hayoti haqida tushuncha beradi.
Kapadokiyaning diqqatga sazovor joylari: ulkan havo sharlari bilan sayohat va boshqalar
Kapadokiya deganda sayyohalrning ko‘z o‘ngiga eng birinchi kelgan manzara, albatta, havo sharlari bilan bog‘liq sayohatlardir. Agar siz Kapadokiyani piyoda kashf qilmoqchi bo‘lsangiz, mintaqaning hayajonli yurish yo‘llari juda sizga juda mos keladi. Kapadokiya, «go‘zal otlar mamlakati»ni, shuningdek, hududga qarashli mahalliy otlarga minish orqali ham o‘rganish mumkin. Kulolchilik Kapadokiya o‘z tashrif buyuruvchilarga taqdim etadigan yana bir imkoniyatdir. Qizilirmak daryosi bo‘ylaridan olingan yumshoq va yog‘li loylari bilan mashhur Avanosdagi kulolchilik ustaxonasiga tashrif buyurish, qiziqarli mashg‘ulotlaringizning bir qismi bo‘lishi mumkin.
Noyob gastronomiya tajribalari
Hatto eng oddiy taomni ham “sanʼat” darajasida tayyorlaydigan Kapadokiya mahalliy oshpazlari, eng noziktaʼb sayohatchilarning ham qalbiga yo‘l topa oladi. Testi kabobi Kapadokiya oshxonasining tatib ko‘rish kerak bo‘lgan taomlaridan biridir. Kapadokiyaga tashrif buyuruvchilarga xizmat ko‘rsatadigan boshqa mintaqaviy taomlar orasida guvech, zarcho‘va bilan pishirilgan guruch pudingi, Nevshehir mantisi va quyuq qaymoq bor. Kapadokiya ming yillar davomida chuqur ildiz otgan vinochilik merosiga ega, shu sababli barcha sayohatchilar endemik mahalliy uzum vinolarini tatib ko‘rishi mumkin.
