Stoltenberg Ukrainaning NATOga a’zo bo‘lish shartini e’lon qildi
Ukraina Rossiya ustidan g‘alaba qozonishi kerak.
NATO bosh kotibi Yens Stoltenberg Ukraina Qurolli kuchlarining qarshi hujumi Kiyevga bo‘lajak muzokaralar uchun o‘z pozitsiyasini mustahkamlash imkonini berishini aytdi. Bu haqda u AQSH davlat kotibi Entoni Blinken bilan muzokaralar yakunlari chog‘ida bo‘lishdi, deb yozadi «RIA Novosti».
«Ukrainaliklar hujum boshladi, ular olg‘a siljib, o‘z pozitsiyalarini mustahkamlamoqda», – deya taʼkidladi alyans bosh kotibi.
Stoltenbergning so‘zlariga ko‘ra, «ukrainaliklar qancha ko‘p hududlarni qaytarishi mumkin bo‘lsa, ularning muzokaralar stolidagi pozitsiyalari shunchalik mustahkam bo‘ladi».
Avvalroq Shimoliy Atlantika alyansining Yevropadagi sobiq bosh qo‘mondoni o‘rinbosari Richard Shirreff ehtimoliy mojaroda NATO Rossiyaga qarshilik ko‘rsata olmasligini aytgan edi. Shuningdek, u 2022-yilda Madriddagi sammitda Stoltenberg NATO yuqori tayyorgarlikdagi kuchlar sonini 300 ming kishiga yetkazishini eʼlon qilganini, ammo bu amalga oshmaganini eslatdi.
