Jizzax akkumulyator zavodining apellyatsiyasi qanoatlantirilmadi
Avvalroq Qrim sudi Jizzax akkumulyator zavodi qrimlik tadbirkor foydasiga 257,3 million rubl kompensatsiya to‘lashini belgilagandi.
Apellyasiya sudi Jizzax akkumulyator zavodi tomonidan qrimlik tadbirkor foydasiga 257,3 million rubl tovon puli undirilishi haqidagi qarorini o‘zgarishsiz qoldirdi. Bu haqda "Kommersant" xabar berdi.
Ma’lumot uchun, zavod "KUCH" savdo belgisidan foydalangan holda Rossiyaga akkumulyatorlar eksport qilgan. Rossiyada bu savdo belgisi tadbirkor Artem Paliychukka tegishli.
U sudga murojaat qilib, "KUCH" savdo belgisidan noqonuniy tarzda foydalanib kelayotganini iddao qiladi va uning foydasiga Jizzaxdagi zavoddan 257,3 million rubl tovon undirib berishni so‘ragan. Qrim sudi da’voni qanoatlantirgan edi.
