Dubayda chiqindilardan energiya ishlab chiqaradigan dunyodagi eng yirik zavod ochildi
Loyiha qiymati bir mlrd dollardan ortiq.
Birlashgan Arab Amirliklarining Dubay shahrida qiymati 1 milliard dollardan ortiq bo‘lgan dunyodagi eng yirik chiqindilardan energiya ishlab chiqaruvchi zavod ochildi. Bu haqda “TASS” xabar bermoqda.
Muassasani Dubay valiahd shahzodasi rasman ochib bergan. Zavod yiliga 2 million tonna chiqindini atrof-muhitga salbiy ta’sir ko‘rsatmasdan qayta ishlay oladi. U 220 MVt/soat elektr energiyasi ishlab chiqarishga qodir, bu esa 135 ming uy-joyga xizmat ko'rsatish uchun yetarli.
Bundan tashqari, avvalroq 2021-yilda BAA 2050-yilgacha mamlakatning uglerod neytralligiga erishishga qaratilgan "Net Zero" strategik tashabbusini e'lon qilgan edi. Tashabbus toza energiya manbalaridan foydalanishga qaratilgan. 2022-yil dekabr holatiga ko‘ra, BAA 15 yil davomida bunday loyihalarga 40 milliard dollardan ortiq sarmoya kiritgan.
