Milliarderlar "jangi" tobora avj olmoqda
Mask Sukerbergni plagiatda aybladi.
Ilon Mask omma oldida Mark Sukerbergni plagiatda aybladi va ular o'rtasidagi mojaro shaxsiyga aylanganini aytdi.
Mask bu haqda Sukerbergning Meta kompaniyasi Twitter’ning tijorat sirlaridan Threads yangi ijtimoiy tarmog‘ini yaratishda foydalangani haqida shubha bildirganidan keyin gapirgan.
"Men Twitter'ga 44 milliard dollar sarfladim va Sukerberg shunchaki uni nusxalashga qaror qildi. Endi bu shaxsiydir”, — deb yozdi Mask o‘z sahifasida.
Shuningdek, u hali ham Sukerberg bilan jangga tayyorgarlik ko‘rayotganini qo‘shimcha qildi. "Qafasda ko'rishguncha", deb xulosa qildi milliarder.
Avvalroq Mask Sukerberg bilan jangga tayyorgarlik ko‘rish jarayonida o‘rta va yarim o‘rta vazn toifasida sobiq UFC chempioni Jorj Sent-Pyer bilan mashg‘ulot o‘tkazgani haqida xabar berilgandi. Ayni vaqtda Italiya Madaniyat vazirligi Kolizeyda milliarderlar duelini o‘tkazishni taklif qilgan. Mask va Sukerberg bu tashabbusni qabul qilishdi.
