Niderlandiya bosh vaziri iste'foga chiqdi
Bunga migratsiya muammosi sabab bo'ldi.
Niderlandiya bosh vaziri Mark Ryutte o‘z hukumatining iste’foga chiqishini ma’lum qildi. Bunga hukmron koalitsiya ichidagi migratsiya siyosatida yuz bergan kelishmovchilik sabab bo'lgan.
Rutte mamlakatga boshpana izlovchilar oqimini cheklash bo'yicha o'tkazilgan yakuniy hukumat yig'ilishidan so'ng iste'foga chiqdi.
“Bugun biz, afsuski, kelishmovchiliklarni yengib bo'lmaydi, degan xulosaga keldik. Shu sababdan, men tez orada butun hukumat nomidan qirolga o‘z iste’fomni taqdim etaman”, — deb tushuntirdi Rutte.
Niderlandiyada migratsiya inqirozi o‘tgan yilning avgust oyida avj olgan edi. So'ngra Ter-Apel shahridagi muhojirlarni qabul qilish markazida joy yo‘qligi sababli 700 ga yaqin qochqin ko‘chada qolgan. Keyinchalik Amsterdam shahar kengashi kamida ming nafar boshpana izlovchini kruiz kemasiga vaqtincha joylashtirgan.
2022-yil oktabr oyida Yevropa Kengashining Inson huquqlari bo‘yicha komissari Dunya Miyatovich Niderlandiya hukumatini zudlik bilan mamlakatdagi qochqinlarni qabul qilish shartlarini yaxshilash choralarini ko‘rishga chaqirdi.
