NATO davlatlari Ukrainani alyansga qabul qilishga rozi bo`ldi
Shuningdek, Ukrainaning alyansga qo‘shilishi uchun aʼzolik bo‘yicha harakatlar rejasi talabi bekor qilinadi
NATO davlatlari Ukrainaning alyansga qo‘shilishi uchun aʼzolik bo‘yicha harakatlar rejasi (MAP) talabini bekor qilishga kelishib oldilar, dedi NATO bosh kotibi Yens Stoltenberg Vilnyusdagi sammitning birinchi kuni yakunida bo‘lib o‘tgan matbuot anjumanida. Bu haqda "Novaya gazeta Yevropa" xabar bermoqda.
Ittifoqchilar, shuningdek, Ukraina armiyasini modernizatsiya qilish va NATO standartlariga to‘liq o‘tish uchun yiliga 500 million dollarlik byudjet bilan Ukrainani ko‘p yillik qo‘llab-quvvatlash dasturiga kelishib oldilar. Bundan tashqari, mamlakatlar NATO-Ukraina kengashini tuzishga qaror qilishdi, uning birinchi yig‘ilishi 12-iyul kuni bo‘lib o‘tadi.
Stoltenbergning taʼkidlashicha, Ukraina barcha ittifoqchilar kelishib, shartlar bajarilganda NATOga taklif oladi. Shuningdek, u bugun Ukraina prezidenti Vladimir Zelenskiy bilan uchrashishini maʼlum qildi.
