Toshkentda liftda qolib ketgan ayol vafot etgani aytilmoqda
Elektr energiyasining o'chirilishi sababli lift to'xtab qolgan
Bloger Nikita Makarenko qidiruv otryadi faollariga tayanib Toshkentda elektr energiyasi o'chirilishi oqibatida 32 yoshli ayol vafot etgani haqida xabar bermoqda.
Xabarda aytilishicha, 24-iyul kuni Toshkent shahar Parkent ko'chasidagi yangi binolardan birida 32 yoshli pochtachi elekt energiyasidagi nosozlik sabab liftning to'xtab qolishi oqibatida vafot etgani aytilmoqda.
"Parkent ko‘chasidagi uylarning birida 24-iyul kuni elektr ta’minoti o‘chirilgan. Natijada pochtachi u yerda qolib ketgan. Videoyozuvdan uning liftga kirganligi aniqlangan. Lift yuqori qavatda tiqilib qolgan. Yangi bino hali to'liq to'ldirilmagan va qo'shnilar buni eshitmagan bo'lsa kerak. Hech kim unga yordam bermagan", — deyiladi xabarda.
U 27-iyul kuni kechasi jonsiz holda topilgan. Hozircha holat yuzasidan rasmiy ma'lumot berilmadi.
