Qozog'istonda elektron sigaretalar butunlay ta'qiqlanishi kutilmoqda
Mamlakat idoralararo komissiya aʼzolari deyarli bir ovozdan elektron sigaretalarni sotish, olib kirish, eksport qilish va ishlab chiqarishni taqiqlash uchun ovoz berdi.
Qozog‘istonda elektron sigareta chekish butunlay taqiqlanadi deb xabar berdi parlamentdagi “Respublika” partiyasi o'zining Telegram-kanalida.
“Qozogʻiston Respublikasi hukumati elektron sigaretalarni butunlay taqiqlash toʻgʻrisida qaror qabul qildi”, — deyiladi xabarda.
Idoralararo komissiya aʼzolari deyarli bir ovozdan (ikkita qarshi ovoz) elektron sigaretalar, ular uchun suyuqliklar va aromatizatorlarni sotish, mamlakatga olib kirish, eksport qilish va ishlab chiqarishni taqiqlashni yoqlab ovoz berdilar, dedi parlament quyi palatasi deputati Nurgul Tau.
“Sog'liqni saqlash vazirligi 2021-yildan beri elektron sigaretalarni taqiqlash masalasini keskin ko'tarib kelmoqda. Men o'z so'rovimda ularni sotishni to'liq taqiqlashni taklif qildim. Bolalar salomatligi va taqdiri uchun olib borilgan kurash o‘z samarasini berdi”, — deydi u.
Parlament a'zosi maktab o'quvchilari va yoshlar o'rtasida elektron sigaretlarni tarqatish bilan bog'liq vaziyatni epidemiyaga qiyosalagan.
