Yevropa g'ayrioddiy ob-havo girdobida qoldi

 

Anomal issiq va yong'inlar Italiya, Portugaliya va Ispaniyani qamrab oldi. Sloveniya va Daniyada esa toshqinlar, yomg'ir va bo'ronlar kuzatilmoqda.

 

Italiyaning Sardiniya orolini kuchli yong‘inlar qamrab oldi. O't o'chiruvchilarning ishi O'rta Yer dengizidan kelgan kuchli shamol tufayli murakkablashmoqda. 

 

Xabar qilinishicha, lagerdan bolalarni evakuatsiya qilish chog‘ida bir o‘t o‘chiruvchi jarohatlangan, lager yong‘in natijasida vayron bo‘lgan.

 

Elektr simlari yiqilgan yoki shikastlanganligi sababli fermerlarning o‘z dalalariga kirishi taqiqlandi. Sardiniyaning turli hududlaridan 600 ga yaqin odam evakuatsiya qilindi.

 

Portugaliyada 3400 dan ortiq qutqaruvchilar 130 ta alanga o'chog'iga qarshi kurashmoqda. Mamlakatning ayrim hududlarida havo harorati 40 darajadan oshdi. Rasmiylarning ta'kidlashicha, yaqin kunlarda o'rmon yong'inlari xavfi "mamlakat bo'ylab juda yuqori yoki eng yuqori darajada" qoladi.

 

Sloveniyada suv toshqini va kuchli yomg‘ir qurbonlari soni olti kishiga yetdi.

 

Bosh vazir Robert Golob buni 30 yil ichidagi eng dahshatli tabiiy ofat deb atadi. Hukumat ma'lumotlariga ko'ra, elementlardan ko'rilgan zarar yarim milliard yevrodan oshadi. Sloveniya Yevroittifoqdan yordam soʻradi. Mamlakat, shuningdek, NATOdan qutqaruv ishlariga yordam berish uchun transport vertolyotlari va askarlar berishni ham so'ragan.

 

Daniyada boshlangan yomg‘ir va bo‘ron dastlab sharqiy Bornholm oroliga ta’sir qilgan, keyin esa Kopengagen poytaxtiga yetib kelgan.