Italiyada sayyohlar chigirtkalar sabab sayohatlarini bekor qilmoqda
Hasharotlar dam olish maskanlarini egallab olgan.
Italiya janubida dam oluvchilar kutilmagan muammoga duch kelishdi. Mahalliy plyajlar chigirtkalarga to‘lgan. Ko‘plab sayyohlar Emilia-Romagnadagi taʼtillarini qisqartirishga va yashil hasharotlardan qochishga qaror qilishdi.
Sayohatchilarning taʼkidlashicha, chigirtkalar odamlarga qadam bosishga yo‘l qo‘ymayapti. Ular quyosh kreslolari va soyabonlarida, yaqin atrofdagi uylarning devorlari va balkonlari, xullas hamma joyda bor. Bundan tashqari, chigirtkalar o‘zlarining chiyillashlari bilan odamlarning tunda uxlashiga xalaqit qiladi.
Entomologlarning taʼkidlashicha, janubi-g‘arbiy «Garbino» shamoli hasharotlarning qishloqdan qirg‘oqqa ommaviy ko‘chishiga olib keldi. Olimlarning fikriga ko‘ra, chigirtkalarning hujumi tez orada tugaydi, biroq ular tufayli ko‘plab sayohatchilar o‘z taʼtillarini muddatidan oldin to‘xtatdilar.
