Italiya yana bir muammoga duch keldi
Baliqchilar noodatiy jonivorlardan aziyat chekmoqda
Italiyaning Emiliya-Romanya, Veneto va Toskana hududlari baliqchilari bu yil rekord darajada zarar ko‘rishi mumkin. Bunga moviy qisqichbaqalarning haddan tashqari ko‘paygani sabab bo‘ldi. Ular baliq uvildiriqlari va mollyusklarni qirib tashlamoqda.
Yaqin-yaqingacha bu jonivorlar Amerikaning Atlantika sohillaridan uchrar, O‘rtayer dengizida esa kamdan-kam ko‘zga tashlanar edi.
Ammo sho‘rlik va harorat oshishi ortidan qisqichbaqalar O‘rtayer dengiziga ko‘cha boshladi.
Mahalliy tashkilotlar ularni yo‘q qilish uchun kuniga o‘rtacha 100 ming yevro sarflamoqda. Shu tufayli hukumat baliqchilarning zararini qoplash uchun 2,9 mln yevro kompensatsiya ajratishini eʼlon qildi.
