O'zbekistonda bir nafar shifokorga qancha aholi to'g'ri kelishi ma'lum qilindi
Shuningdek, respublikadagi shifoxona muassasalarida o‘rinlar soni 2019-yilga nisbatan 13,5 mingtaga oshgan.
Statistika agentligi maʼlumotlariga ko‘ra, 2023-yil 1-yanvar holatiga O‘zbekistonda bir nafar shifokorga o‘rtacha 358 nafar aholi to‘g‘ri keladi.
Hududlar bo‘yicha bir shifokorga to‘g‘ri keladigan o‘rtacha aholi soni:
- Qoraqalpog‘iston – 365 nafar;
- Andijon viloyati – 402 nafar;
- Buxoro viloyati – 307 nafar;
- Jizzax viloyati – 485 nafar;
- Qashqadaryo viloyati – 529 nafar;
- Navoiy viloyati – 333 nafar;
- Namangan viloyati – 497 nafar;
- Samarqand viloyati – 362 nafar;
- Surxondaryo viloyati – 558 nafar;
- Sirdaryo viloyati – 450 nafar;
- Toshkent viloyati – 457 nafar;
- Farg‘ona viloyati – 444 nafar;
- Xorazm viloyati – 349 nafar;
- Toshkent shahri – 123 nafar.
Shuningdek, 2023-yil 1-yanvar holatiga ko'ra, respublikadagi shifoxona muassasalarida o‘rinlar soni 166,9 ming tani tashkil etib, 2019-yilga nisbatan 13,5 mingtaga oshgan.
