Shavkat Mirziyoyev Ozarbayjonga tashrifining ikkinchi kuni Fuzuliy shahriga bordi
Oliy martabali mehmonlarni Ozarbayjon prezidenti Ilhom Aliyev va rafiqasi kutib oldi.
Шавкат Мирзиёев Озарбайжонга давлат ташрифининг иккинчи куни рафиқаси билан бирга Фузулий шаҳрига келди.
Президент матбуот хизматининг хабар беришича, олий мартабали меҳмонларни Озарбайжон президенти Илҳом Алиев ва рафиқаси кутиб олди.
«Шаҳар буюк озарбайжон шоири ва мутафаккири Муҳаммад Фузулий шарафига номланган. Ўтган асрнинг тўқсонинчи йилларигача Фузулий туманида саноат ва қишлоқ хўжалиги ривожланган. Бу ерда кутубхоналар, маданият уйлари, музейлар, театрлар, боғлар ва бошқа маданий объектлар фаолият юритган», — дейилади хабарда.
Маълумот учун, 2020 йилда Фузулий тумани ва шаҳрида кенг кўламли тикланиш ишлари бошланди. Шаҳарда халқаро аэропорт, замонавий турар-жой мажмуаси, тиббиёт ва таълим муассасалари қуриб битказилди. Фузулийни тиклаш ишларини 2026 йилгача якунлаш режалаштирилган.
