Toshkentda o‘qituvchilarning majburiy navbatchiligi to‘g‘risida xabar tarqaldi
Toshkent shahar maktabgacha va maktab taʼlimi boshqarmasi munosabat bildirdi.
Bloger Nikita Makarenko o‘zining Telegram-kanalida mustaqillik bayrami munosabati bilan Toshkent shahridagi maktablarda tungi va kunduzgi navbatchilik yo‘lga qo‘yilayotgani haqidagi xabarni eʼlon qildi. Xabarda keltirilishicha, navbatchilik 25 avgustdan 10 sentyabrgacha belgilangan.
Mazkur xabarga munosabat bildirgan Toshkent shahar maktabgacha va maktab taʼlimi boshqarmasi yuqoridagi xabarni yolg‘onligini bildirdi.
Qayd etilishicha, hozirgacha boshqarma hamda tuman maktabgacha va maktab taʼlimi bo‘limlari masʼullari tomonidan birorta taʼlim muassasasi maʼmuriyatiga bayram yoki boshqa sabablar tufayli o‘qituvchilar navbatchiligini yo‘lga qo‘yish topshirig‘i berilmagan.
Shuningdek, boshqarma xabar muallifidan bu kabi yolg‘onlar tarqatmasligini, mabodo shunday holatga guvoh bo‘lsa Toshkent shahar maktabgacha va maktab taʼlimi boshqarmasiga murojaat qilishni so'ragan.
